Arifi: Veç le të kryhen punë të mira, meritet t’i marrë kushdo që ka kohë

00:02 | 8 Janar 2019
Trina Galanxhi

Shefi i Kabinetit të Kryeministrit, Avni Arifi, ka ironizuar përmes një shkrimi në Facebook në lidhje me deklaratat e Hashim Thaçit, i cili tha se inicues për vendosjen e taksës 100% për mallrat serbe ishte zëvendëskryeministri Enver Hoxhaj.

“Veç le të kryhen punë të mira për Kosovën. Meritat le të i merrë kushdo që ka kohë për to” shkroi Arifi.

Në shkrimin e tij ka komentuar edhe këshilltari i kryeministrit, Halil Matoshi, i cili tha se Ramush Haradinaj është në shërbim të popullit.

“Le të forcohet shteti. Meritat i ka populli shqiptar !!! RH asht në shërbim të popullit!”, ka shkurar Matoshi.

Presidenti i Kosovës, Hashim Thaçi, ka thënë se iniciues i vendosjes së taksës ka qenë zëvendëskryeministri Enver Hoxhaj si dhe fuqizues në 100 përqind ka qenë kryetari i PDK-së, Kadri Veseli.